Белистојаноски незадржлив, Еурофарм Пелистер го надигра Мулти Есенс

Еурофарм Пелистер стигна до првата победа сезонава во Суперлигата откако во Битола славеше против Мулти Есенс со 38-27.

Гостите од Скопје подобро го отворија мечот и имаа водство во воведните десет минути. Сепак, домаќинот заигра подобро во продолжение и веќе на пауза имаше предност од 18-14. Во вториот дел избраниците на Лоно Червар рутински го приведоа мечот до самиот крај за конечен триумф од 38-27.

Ненад Белистојаноски со осум гола беше прво име кај победникот, додека кај поразените Давид Трајковски постигна седум гола.

Ракомет
Суперлига 2026/27
Второ коло

Еурофарм Пелистер – Мулти Есенс 38-27 (18-14)

Спортска сала „Боро Чурлевски“ – Битола
Гледачи: 500
Судии: Лејла Јашар и Викторија Прентовска

Еурофарм Пелистер:
Брестовац, Хаидарирад 1, Белистојаноски 8, Басанесе 1, Ристевски 3, Серафимов 1, Кузманоски 2, Граховац 1, Хенигман 1, Котар 1, Калајџиовски 6, Петар Атанасијевиќ 6, Хакбарт, Колаковиќ 1, Павле Атанасијевиќ 3, Татар 3
Седмерци: 4/3
Исклучувања: 4 минути

Мулти Есенс:
Великиќески, Јорданов, Ј. Петрески 1, Илиевски 1, Ѓокески 1, Ј. Трајковски, М. Петрески, Симоноски 1, Ѓурмешевиќ 3, Матевски 4, Ковачевиќ, Ѓорѓиевски, Дамчевски 3, Д. Трајковски 7, Гарбевски 1, Тевдовски 5
Седмерци: 7/6
Исклучувања: 6 минути

Во следното трето коло Еурофарм Пелистер гостува кај засилената Струга.