Големи три бода за Новаци од гостувањето кај Беласица

Во необичен петочен термин беа одиграни натпреварите од 13. коло на Втората фудбалска лига.

Изненадување приреди екипата на Новаци со голема победа на гостувањето кај Беласица во Струмица од 0-1. Долго време домашниот тим се трудеше да дојде до гол, но не успеваше. Решавачкиот момент се случи во 80. минута од средбата, а херој на Новаци беше Мартин Богдановски.

Со овие три бода Новаци изби на шестото место со 23 бода. Во следното 14. коло во вторник го пречекува лидерот Шкендија Арачиново.