Дарија Крстевска настапи на трката на пет километри на Светското првенство во трчање на пат во Копенхаген.
Крстевска ја заврши трката со резултат 19:22 и го освои 42. место во конкуренција од исто толку учеснички. За 19-годишната Крстевска ова беше прв настап на едно Светско првенство и драгоцено искуство во конкуренција на атлетичарки од светскиот врв.
Како убедливо најмлада учесничка во трката на пет километри, Дарија зад себе има значаен чекор во својата млада кариера, а пред неа се уште многу простор за развој, напредок и нови настапи на големата меѓународна сцена.





