Непредвиден пораз на Пелистер од Штип пред своите гледачи

Кошаркарите на Пелистер го претрпеа четвртиот пораз во шест натпревари од Суперлигата. Вечерва од Битола со бодовите се замина ГКК Штип, кој славеше со 87-92.

Штипјани имаа резултатска предност во најголемиот дел од натпреварот, но Пелистер не се предаваше и во возбудливата завршница успеа да направи пресврт. Со тројката на Кочовиќ, битолчани поведоа со 87:86 и најавија можен триумф, но гостите имаа подготвен одговор.

Американецот Пал се надмина себеси. Најпрво реализираше по офанзивен скок за водство од 88-87, потоа погоди две слободни фрлања, а Димчевски од линијата за слободни фрлања ја потврди вредната гостинска победа од 87-92.

Кај Пелистер, Кочовиќ постигна 24, а Вилсон 17 поени.