Женската репрезентација на Македонија вечерва загуби од Словенија во второто коло од квалификациите за Европското првенство 2026.
Пред почетокот на средбата, Ракометната федерација на Македонија организираше убава церемонија и додели признанија за поранешните репрезентативки кои оставија трага во националниот тим.
Поранешната капитенка Елена Ѓорѓиевска, Јована Саздовска, левото крило кое имаше долгогодишен придонес во националниот тим и битолчанката Симона Маџовска добија врамен дрес.
Со овој симболичен чин, федерацијата уште еднаш покажа дека ги вреднува генерациите кои го носеле националниот дрес со чест и посветеност, а моментот пред почетокот на натпреварот во Битола беше поздравен со големи аплаузи од трибините.





