Во вториот дел од сезоната зелениот дрес на Пелистер ќе го носи уште еден македонски фудбалер кој се враќа во домашниот шампионат по интернационално искуство. Томче Гроздановски е нов фудбалер на Пелистер, се обврза на договор до крајот на сезоната и официјално беше претставен на стадионот „Петар Милошевски“ вп Битола.
25-годишниот фудбалер во есенскиот дел настапуваше за Конкордија. Претходно во Македонија, Гроздановски настапуваше за Силекс. Работнички, Металург и Кожуф, додека во странство беше дел од словачки Вион и хрватски Дугопоље.
Гроздановски треба да биде од витално значење за нашиот среден ред. Тој веќе ги мина медицинските прегледи и му се стави на располагање на тренерот Милан Стојановски и стручниот штаб во Анталија.





