Еурофарм Пелистер носител пред ждрепката во Европската лига

Македонскиот претставник во групната фаза на Европската лига на ЕХФ, Еурофарм Пелистер, е носител пред ждрепката на 17 јули. Еурофарм Пелистер е во групата на најдобро рангирани клубови во натпреварувањето заедно со Фленсбург, Нексе, Татабања, Савехоф, Извиѓач, Бенфика и Бидасоа Ирун.

Прв шешир:
Еурофарм Пелистер, Фленсбург, Нексе, Татабања, Савехоф, Извиѓач, Бенфика, Бидасоа Ирун

Втор шешир:
Валур, Шафхаузен, Елверум, Лимож, Карвина, Гранољерс, Татран Прешов, Гумерсбах

Трет шешир:
Сесвете, Хафнарфјордур, Бузау, Сен Рафаел, Слован, Шамбери, Торелавега, Ла Риоха.

Четврти шешир:
ЦСМ Букурешт, Маритимо, Агуаш Сантас, Морс, Бергишер, Холстебро, Гдањск, Хамарби

Во групната фаза ќе бидат формирани осум групи со по четири екипи. Првопласираните и второпласираните тимови ќе обезбедат место во елиминациската фаза.