КК Пелистер потпиша меморандум за соработка со КК Хераклеа

Управата на КК Пелистер АД објави дека потпиша меморандум за соработка со кошаркарскиот клуб Хераклеа.

Денес во клупските простории беше потпишан договор за соработка помеѓу Пелистер и КК Хераклеа,а истиот се базира на меѓусебна соработка и помагање, со цел подигнување на битолската кошарка на повисоко ниво, со посебен акцент на работа и развој на младите таленти од овој град.

Во следниот период е најавено и потпишување на меморандум и со сите младински клубови-школи од градот. Со овој потег уште еднаш се потврдува стратегијата на пелистерци – покрај стабилна сениорска екипа, да се вложува и во развојот на младинската кошарка во градот.