Петар Атанасијевиќ со звукот на сирената донесе бод од Охрид

Екипата на Еурофарм Пелистер освои бод на гостувањето кај Охрид во натпрварот од првото коло на новиот шампионат на Макеедонија во ракомет (28:28).

Гостите од Битола имаа минимална предност од 13-14 на полувреме, но неизвесноста продолжи до самиот крај, а Охрид имаше предност од еден гол во пресрет на последниот напад на избраниците на Лино Червар. Еурофарм Пелистер успеа да реализира преку Петар Атанасијевиќ и на драматичен начин да избори реми и бод ова ракометно дерби.

Мате и Кузмановски имаа голгетерски дуел на овој натпревар, на кој домашниот ракометар постигна единаесет голови, додека македонскиот репрезентативец го заврши дуелот со десет голови.

Ракомет
Суперлига 2026/27
Прво коло

Охрид – Еурофарм Пелистер 28-28 (13-14)

Спортска сала „Билјанини извори“ – Охрид
Гледачи: 2.000
Судии; Димитар Митревски и Благојче Тодоровски

Охрид:
Славиќ, Блажевски, Стрмљан 2, Ојлески 4, Јагуроновски, Јошида 2, Иванковиќ 3, Тасевски, Савревски 2, Мате 11, Лиапис 1, Талески, Зечевиќ 1, Ѓукиќ 2, Ќосевски
Седмерци: 6/6
Исклучувања: 10 минути

Еурофарм Пелистер:
Митревски, Хаидарирад, Белистојаноски, Видомски 3, Ристевски, Серафимов, Хенигман 3, Кузманоски, Граховац, Кузмановски 10, Калајџивоски, Петар Атанасијевиќ 8, Пешевски 2, Хакбарт 1, Павле Атанасијевиќ, Татар 1
Седмерци: 5/5
Исклучувања: 12 минути

Во следнотто второ коло Еурофарм Пелистер на домашен терен ќе го пречека Мукти Есенс.