(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)
1981 – НА ПИЕДЕСТАЛОТ – ДВАЈЦА
При изборот на најдобрите спортисти за 1981 година, за прв пат се случи комисијата на СОФК-а да се најде во дилема кому да му ја додели титулата спортист на годината на Битола. На крајот беше одлучено, првото место да го поделат ракометарот Абдула Јусуфовски и борачот Златко Пецаковски.
Ранг-листата изгледаше вака:
- Абдула Јусуфовски (ракомет) / Златко Пецаковски (борење)
- Шериф Рустемов (бокс)
- Ице Ристевски (велосипедизам)
- Тони Решњак (џудо)
- Зора Велкова (кошарка)
- Весна Ристевска (шах)
- Снежана Колевска (стрелаштво)
- Љупчо Стојменов (скијање)
- Јорго Огненовски (карате)
Во екипна конкуренција на второ место беше екипата на РЕК „Битола” за освоеното прво место во Регионалната лига и моментната прва позиција на табелата во Меѓурегионалната лига.
На третото место се најде алпинистичката секција на ПСД „Пелистер”.








